Hindi ko na mahintay ang Days off!!!!

Pagod at masakit ang ulo ko. Sino bang hindi sasakit ang ulo sa pakiramdam na parati akong busy pero wala naman akong natatapos? Parati akong kulang sa oras pero marami naman akong oras na hindi nagagamit? haist.

Kelangan ko na talagang mag-day off at kumain at matulog nang walang iniisip na trabaho. Pati sa panaginip ko ay hinahabol na ako ng mga monster reports sa skwela at sa trabaho. Napapanaginipan ko na ang matamis na singkong maliwanang sa unang semestre ko sa masters. Napapanaginipan ko na ang lahat nang galit at inis ko sa buhay. Masakit na ang balikat ko kahut uisang maliit lang na bag ang nakasabit dito. Masakit ang likod ko at madalas ay nagigising ako sa madaling araw at nahihirapan na uli matulog. OO. Pagod ako...at hindi ito emotional na pagod na parang nabasted ka lang ng sanlibong beses, o kaya nama'y na brokenhearted. Ito ay pisikal na kapaguran na kelangan na talagang ipahinga. Parang awa na nilang dapat maawa.

ANg totoo, masyado akong concerned sa lahat ng bagay. Indifferent ako sa mga tao pero sa sitwasyon hindi. Kaya kung kinakailangan ng isang sitwasyon na magtrabaho ako na parang magugunaw na ang mundo bukas...in fairness...masyado akong OA at nakakapagtrabaho nga naman ako. dinadaan ko na lang sa caffeine rush. Painum-inom lang ng coke at ng kung ano mang me-asukal.

Ngayong araw kinulang na nga ata ako sa asukal. Ang pait ng tingin ko sa mundo. I'm so tired na para bang habambuhay na akong hindi nakapagpahinga. In fairness naman sa akin, hindi ko kinakailangan ng isang dekadang pahinga. Hindi isang buwan. Hindi rin isang linggo. Kahit tatlong araw lang na hindi ko na mapapanaginipan ang lahat nang kelangan kong tapusin...ok na ako.

Sabi ko nga sa tatay ko isang araw : 'Tay, pagud na pagod ako. Kelan ka ba yayaman para di ko na kailangang kumayod.'

Hindi ako masipag, nagsisipag-sipagan, o nagpapaka-bayani. OA lang talaga ako at hindi natatahimik pagka may mga hindi natapos. Di bale nang wala akong masimulan...wag lang may hindi ako matapos. Mas masakit sa likod ko iyon.