Ilustrado

Nasa TV na naman taong nakadilaw

Inakit ang lahat na sumampalataya

sa kulto ng anilang pagbabago.

Hindi tulad mo, hindi ko siya ibinoto.

Sino ako at sino ka nga ba?

Papaano naman tayo?

Pangarap mo'y natutupad

sa bisa ng apelido mong ilustrado.

Ako nama'y limitado

sa pagkakataong palimos ng 'yong mundo.

Tinatanong kita kung ano ako sa'yo.

Hindi ko naririnig, tae, pakisigaw mo!

Makakalimutan kaya kita

sa bisa ng sandaang galong

coke at luha?

Mukha akong tanga.

Naaalala kita.