Times Square

Padaplin,

ayaw ug surang-surang

sa akong atubangan,

Ikaw nga chicks kuno

nga taga-atechuchu.

Pagpakabana, kay nanumpa na

ang atong bag-ong pangulo.

Ay wala koy labot kung ga-swimsuit ka.

Ug tungod sa imong backless,

mas gipili ka niya.

Padaplin daw miss,

ayaw kaayo'g paso sa akong atubangan,

kay balita akong gusto tan-awon dinhi,

dili imong nawong nga hastang pulaha.

Kung wala lang ko gigutom,

dili unta ko molabay niining imong dapit.

Kahinumdon hinuon ta sa mga kagahapong

nagpait.

Ay, wala koy labot kung ga-swimsuit lagi ka;

Maski mag-swimsuit pa ka ug kwarta.

Naa na ko'y gihuna-hunang lain.

Mao nga miss, daplini ra.